Gebabbl ufern Weihnachtsmarkt

"Adam horch i muss d´r was sach!
Ewa sei schdill i kanns nid verdrach,wenn du mir mei Draum schdörsd vom Paradies,des wecher deim Abfl verlore is!
Adam ih wess mir isja selwer so bang,weil der Wahn war so kurz un die Reu ewich lang.
So had des der Schiller vor langer Zeid g´sachd,der had´s a nid gegläbd,had sei Erfahrung selwer gemachd..
„ Sei unnerer Verdreiwung viele nei´s Unglück renne,un immer wieder hilflos,verzweifeld laud flenne.
Ewa üwer üwer 600 Jahr schdehn mer da an der Kerch. Was wars für a Elend alle um die Markbladzschdelle.
Es Jude vierdel ham se vorm Kabellenbau ausradierd,mid Hexewahn unAbgawe es Volg schiganierd.
Im Kriech 45 da ham die Häuser gebrennd und gequalmd,d´schdunge, un Mensche ham schreiend ken Wech aus der Höll`gefunde.Adam manchmal mehn i,selwer da am Branger z`schdehn,gäde Fremde nid sach:sin die zwee awer schö,weil so kunsdvoll uns zwee der Riemeschneider modelierd,des had unner Image scho a weng ufbolierd.
Awer Adam ehrlich i wolld di nid verführ un nid schdör,i wolld sach,Gott konnd des Menschegejammer nid mehr hör.Beschdimmd had en desweche es Midleid gedrüggd,weil er uns wechem Abfl aus em Paradies nausgschiggd."

Brunnz verregg wor des eh Ärwed

Das Original Gedicht ist von Doris Alberth